www.payamewatan.com
 

 

 

صفحۀ اصلی

 

تاریخ نشر:16.03.2008

اکادمیسین سلیمان لایق

 

د مستو ګاړه

په بامیان کې د بودا برخلیک

ملا ته آسمان ښکاري، د جمات د خونې بام
سپوږمۍ ورته ښکاریږي، د نوبت د
کرتو جام
اسلام د تورو کرکو او وژلو یو مرام
قران یو ه چاړه، د بی بنیاده انتقام
الله د ږیرورو قاتلانو یو امام
ملا ته آسمان ښکاري د جمات د خونې بام

*****

ملا ته دنیا ښکاري د غوايي پر ښکر ولاړه
تاریخ ببره ږیره د عرب د سر رتاړه
ولس یوه رمه، او امارت د مستو ګاړه
د تورې لمن نیسه خلاسوه ورڅخه غاړه
دوه غبرګ تیغونه واخله، چلوه ورباندې دواړه
ملا ته دنیا ښکاري د غوايي پر ښکر ولاړه

*****

کابل چړي خانه سوه د عربو د ناتار
وطن یو منډحي سو د پردیو د بازار
لرغونې بامیان وران سو د پنجاب په افتخار
معصوم بودا شهید سو په چاړه د استکبار
فیصل زموږ امام سو، اسامه زموږه پلار
کابل چړي خانه سوه د عربو د ناتار

*****

طالب په آی. اس. آی. باندې ټیکه سو د وجدان
په تور پنجاب یې خرڅ کړ، غیرتي افغانستان
کلداره د دین برخه سوه، ډالر سوچه ایمان
خلیج د خدای
جنت شو، او شیخان پیغمبران
کابل اسلام آباد سو، افغان خاوره پاکستان
طالب په آی. اس. آی. باندې ټیکه سو د وجدان

 
 

   بازگشت به صفحۀ اصلی