تاریخ نشر:11.02.2010

ک.کمال

دغیرت چیغې مې واټ دوینو پرانست
رانه تښتي که «غني» دی که «اجمل» دی

مرګ خو هسې هم حق دی خو د ځینوځینو مرګ ډیر خواشنوونکی او زړه بوګنوونکی وي٬ داسې مرګونه د پښتو ژیې دا متل ډیر ښه بیانوي چې «سل دې ومره خو د سلو سر دې مه مره» خدای بښلی اجمل خټک د افغان په فرهنګي او سیاسي ټولنه کې له همدغو غیرتي سلو څخه یو وو.

   خوکه له یوې بلې زاویې د داسو سترو انسانانو مرګ ته وکتل شې بیا نو په ډاډ سره ویلی شو چې مرګ هم دوی نه شي وژلی٬ د دوی مرګ په حقیقت کې د دوی د ژوند د یوی بلی پاڼې پرانستل وي٬ دوی له هغو د پام او احترام وړ کارونو په پایله کې چې د خپل له ویاړه ډک ژوند کې یې ترسره کړی وي تل د خلکو په زړونو او دماغونو کې ژوندي پاته کیږي چې بیا به یې مرګ څنګه ووژني؟ ډیر څه نه د اجمل خټک میړني روح ته دا لاندې څلوریزه ډالئ کوم.

بې انصافه اسمان ګورئ څه کانې کړي
برابر یې بیا زما په کور قاتل کړ

پدې لوی کور د پښتون د لراو بر کې
چې په نښه یې خټکو کې اجمل کړ

   کورپاڼه | صفحه اصلی  

email: payamewatan@yahoo.com