د خواخوږۍ پیغام

 

په ډیره خواشینۍ سره خبر شوم چې لوی ادبي، فرهنګي او سیاسي شخصیت ښاغلی « اجمل خټک»  د اوږدې ناروغۍ له امله  فاني  نړی څخه  سترګې پټې کړې.

 

انالله وانا الیه راجعون

 

ارواښاد اجمل خټک د پښتو ژبې زړور،پوخ، نومیالئ، وتلی شاعر، لیکوال او سربیره پر دی لوی سیاست پوه و.

 زه په داسی حال کې چې د ارواښاد اجمل خټک د کورنۍ له غړو او ټولو پښتنو او دده مینه والو، سیاسی ملګرو او دوستانو سره په دغې ستره غمیزه کې ځان شریک بولم، دده مړینه د هیوادوالو او ټول پښتون قوم لپاره لویه ضایعه بولم.

دده کورنۍ ته جمیل صبر او ده ته د پاک الله (ج) نه د فردوس جنت غوښتونکې یم.

ارواښاد اجمل خټک هغه شاعر دی چی مرګ د ده فرهنګي، ادبي او ستر شاعري ځواک او شخصیت نشی وژلې،  دداسی سترو فرهنګې شخصیتونو ژوند د هغوی د مړینې وروسته پیل کیږي.

  خادم چی په رښتیا وي څوک د ملک او د ملت

وطن یې پس له مرګه په مدفن فخر کوي

 

 په ډیر درنښت

 

انجنیر عبدالقادر مسعود