|
فقیر محمد
ودان
فريدريشس دورف
د ۱۹۹۸ کال د نومبر دوهمه
زما
کلی
څپې،څپې
دي چه ما بيا تخنوي
احساس مې
بيا پاروي
هغې
خواته :
زما کلې،
د ننگونو غيرتونو كلی،
دتفكر زانگو،
د سياست سنگر،
زما کلی
پرونې کلې
د هنر ټاټوبی،
دشنو طوطيانو ځاله،
د شاعرانو حجره
او ،
د تنگ تكور ديره
زما کلی
پرونې کلی
د گنيو د سوما ساقي
د مستو انجونو د گودر نندارتون
د نارنج گل او د نرگسو ناوی
او،
دزيتون باغچه
***
زما کلی
:
اوس د زمان دگردشونو په پان
غورزول شوی
کلی
پرزول شوی
کلی
او،
رټل شوی
کلی
***
زما کلی
اوسنې کلی
د ناخوالو کلی
او،
د رنځونو بانډه
هلته،
چه ځني
رنگ خرڅوی
او،
پری
وینې
اخلي
هلته،
چه د وينو په بهير
اصحاب د جهل ناڅي
او،
انسانيت كوکی
وهي
هلته :
چه آهورا په دار ځوروی
او اهريمن فخر كوي
***
زما کلی
د ناخوالو کلی
او،
د رنځونو بانډه
آه،
زما كلی
زما د کلي یرغمل انسانان.
|
