په خواشينئ سره مو خبر ترلاسه کړ چې ملي اسلامپوه او د ملي روغې جوړې د حاکميت په دوره کې د اسلامي شئونو او اوقافو وزير کانديد اکاډيميسين عبدالغفور باهر په جلاوطنئ کې د دري اويا کالو په عمر د فاني دنيا نه رخصت واخيست.

انا لله و انا اليه راجعون
 

   ارواښاد عبدالغفور باهر په کال ١٩٣٣ (ع) د لغمان ولايت د عليشنګ په ولسوالئ کې په ېوه روحاني کورنئ کې زېږېدلۍ و٠  د ابو حنيفه د مدرسې تر فراغته وروسته ئې د کابل پوهنتون د شرعياتو پوهنځي کې زده کړه پای ته ورسوله٠  دغه راز نوموړي دمصر په جامعه الازهر او د امريکې متحده ايالاتو د نيويارک په يونيورستي کې بالترتيب په اسلامي فقهې او ښوونې او روزنې په علومو کې علمې درجې تر لاسه کړې ٠

   ارواښادکانديد اکاډيميسين باهر دملي مصالحې د واکمنئ په دوره کې په هيواد کې د اسلامي تحقيقاتو دانستيتوت بڼسټ کيښود٠ نوموړی  د افغانستان جمهوري دولت د اساسي قانون د تدوين کميسيون فعال غړی و همدارنګه دښوونې  او روزنې او اسلامي علومو په مختلفو برخو کې ګڼ  شمېرعلمي اثار ليکلي او ژباړلي هم دي٠

عبدالغفور باهر د تود ملي او ټولنيز احساس خاوند و نو ځکه ئې د هيوادپه سياسي ژوند کې تل فعاله ونډه اخيستې او په هېواد کې د سولې او سوکالئ د بياراستلو لپاره ئې تل نه ستړې کېدونکې هڅه او هاند کړي٠  ارواښاد باهرخپل  دژ وندانه په مختلفو پړاونو کې  لاندې دندې هم ترسره کړي :

- د ولسي جرګې په دولسمه دوره کې د لغمان د عليشنګ د ولسوالئ  وکيل

- د افغانستان د اسلامي علومو د انستيتوت رئيس

- د اسلامي شئونو او اوقافو وزير

- په اسلامي او ټولنيزو چارو کې د جمهور رئيس سلاکار

- په اندونيزېا کې د افغانستان د جمهوري دولت لوۍ سفير

- د کابل پوهنتون دحقوقواو سياسي علومود پوهنځي  استاد.

پداسې حال کې چې د ارواښاد باهر مړينه هيواد ته يوه ستره ضايعه بولو، د هغه پاتې کورنئ او دوستانو ته تسليت وايو او د لوۍ خداۍ (ج) له بارګاه نه ورته د صبر غوښتنه کوو٠

« د وطن پیغام »

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

زنده گی نامۀ مختصر عبدالغفور باهر
به قلم محترم محمود شریفی