زخمي باغ
ای زمانې د حادثو بهيره
کومې دنېاپه لورې لار باسې ؟
په دې چوپتېا کې دې بېا څه کرلي ؟
دکومې لوبې انتظار باسې ؟
* * *
د مازديګر لمنه سره په وينو
دا زمونږ د لمر جنازه چېرې وړې ؟
منګي مات شوي د ګودر پر غاړه
زمونږ د ګودر جنازه چېرې وړې ؟
* * *
باغ مو زخمي شو د هوس پر تبر
د شنو فصلونو هديره چېرې ده ؟
مينه له زړونو تښتېدلې چېرته ؟
زمونږ د ېادونو هديره چېرې ده ؟
* * *
زمونږ د انګورو په دانه دانه کې
د تاک زخمونه فرېادونه وهي
موسکا دا زمونږله کلي کډه کړې
دا لور دچا دی چې فصلونه وهي ؟
* * *
د اسمان سترګو کې شوې اوښکې وچې
زمونږ د درېاب موجونه ونړېدل
دا بېګانه شمال له کومه راځي
زمونږ د شباب ګلونه ورژېدل
***
د ےےلوئې لوبې ےے شېطاني شېبو کې
شېخ دشېطان له لاسه جام واخيست
د سپېدې مخې ته ئې دام کېښود
خپل انتقام ئې له خېام واخيست
* * *
دا غم راوړی لښکر خوشې کوي
دشپې په زړه کې بې پروا مزلونه
دغه بې باکه مزل ، پوچې پاڼې
له مونږ نه ولې پټوي رازونه
***
خداېه زمونږ په لوري مه بندوه
د توفانونو سېلابونو لړئ
ګوره چې بند نه کړې زمونږ مخې ته
د زخمي شوېو منزلونو لړئ
* * *
پرېږده د ځوانو مټو زور زور شي
په دې رګونوکې ېو اور بل شي
دې خوب وهلو او ساده زړونو کې
د مينې اور د مينې شور بل شي
* * *
پرېږده چې ولويږي او پورته شي بېا
پردې کږلېچو خوځېدل زده کړي
د سېلابوڅپې ئې بوځي هرخوا
د اورپه سيند کې لمبېدل زده کړي
* * *
د هرساحل لمن به ونړوي
بېا به سرکش دتوفانو ترې جوړ شي
ېاران به ومومي جرس به خپور کړي
بېا به هادي دکاروانو ترې جوړشي
* * *
له مينې مست به ېو شوربه شي
په دغه بڼ کې به سندره شي بېا
د غوټۍ شونډو نه به مچه واخلي
په دې چمن کې به سندره شي بېا
لندن، دمارچ شپږمه، ٢٠٠٦ کال