www.payamewatan.com
 

 

 

صفحۀ اصلی

 

تاریخ نشر:08.04.2008

انجنیر کبير کاکړ
 

د هر چا خوښه

د چا شاهين او يا چوپک، باز او باښه خوښيږي
د  چا  کوتره،  توتکۍ  او  يا  سايره  خوښيږي

څوک به ټوپک کلاشينکوف او تومانچه  رانيسي
د   چا  قلم   سره   کتاب  او  کتابچه   خوښيږي

څوک   شنه  چپنه   ورسره   قره قولۍ  ګرځوي
د چا  پټو  سره  لونګۍ،  جګه  شمله  خوښيږي

څوک به په غلاچورچپاول د بيت المال اخته وي
د  چا خدمت  په  صداقت  کې  وظيفه  خوښيږي

څوک به خوشحال په غلامۍ کې د پيسوسره وي
د  چا  آزاد   وطن  آزاد   له   بيګانه   خوښيږي

څوک د شاه کار په ژوندانه، کاکړه فخر کوي
د   چا  احمد، امان الله، نوم  شاهانه  خوښيږي

08 . 02 . 15


مرسته !

وعدې   ئې  کړي   پوره  شوي  نه  دي
همدا      بې  وزله       يوناما      يادوم

دا  څه  چل ول  دی  حق حيران يمه زه
چه   په   رښتيا   کې   ئې   ريا    يادوم

دا   څنګه   مرسته   ده   د  چا   لپاره ؟
د     خپل   ولس    سره    جفا    يادوم

څوک   پټوی  شي  حقيقت  له  خلکو؟
دواړه   انګريز   او   امريکا      يادوم

ژبې  ګونګۍ  سترګې  ړندې  دي  دلته
همدا        آزاده       اروپا         يادوم

د مور  او  پلار نه  مهربان  شوه  را ته
بوش،   بلې،  او  خپله  انګيلا   يادوم

له تورنه سپين او له سپين تور جوړوي
دا    د    امنيت    زړه    شورا    يادوم

کاکړه ! زه که د خپل واک څښتن  شوم
بيا  به   ئې  َ مرستې َ  په  رښتيا  يادوم

 08 .01 . 02

 

 

 

   بازگشت به صفحۀ اصلی