خوشحال پیروز

د مینې په انګار کې

کله چا اظهار د محبت کاوه
ما وکړ اقرار د مینی وسومه

زه لکه پتنګ تلم د ډیوی پسې
ځکه سور انګار دمینې وسومه

تلمه د خیالونو قافلو سره
لاره کښې اغیار د مینی، وسومه

ایښي وو دامونه صیاد لاره کې
تم یې کړم په لار له مینې وسومه

خدای ږو خلاصیدل مې اسان کار ندی
یم سترګې په لار د مینی وسومه

نه مې وینې حال جهان ړوند شوی دی
نه وینم غمخوار د مینی وسومه

زه زوی د افغان د وطن مینه کې
نه کؤمه ډار د مینی وسومه

پښو کې مې زنځیر د استعمار پروت دی
ځم په شرنګهار د مینې وسومه

نه به شم غلام د مرګ تر پولی زه
مرګ مې افتخار د مینې، وسومه

ماته سکنی «ورور د منصور» وایي
ځم په سر د دار د مینی، وسومه