|
||||
|
د خپریدو تیټه / تاریخ نشر:12.07.2010 |
||||
|
له استاد پوهنمل ډاکتر ستارګل پکتیاوال سره خواخوږي
داڅه خوني ورځ ده چې فطرت لکه چنګیز
کل نفس ذایقه الموت په ډېره خواشينۍ مې خبر تر لاسه کړ چې د پښتو ژبې او فرهنګ د یوه خدمتګار، ګران استاد پوهنمل ډاکتر ستارګل پکتیاوال، د زړه سر او د سترگو تور، زلمی زوی، پرویزګل پکتیاوال، په استرالیا کې د یوې ترافیکي پیښې له امله تاند لباند شو. انا لله وانا اليه راجعون. زه په ځان کې له ډاکتر صیب سره د خواخوږۍ له پاره د الفاظو د پیدا کولو متره نه وینم، خو دومره وایم چې په دغې دردونکې پېښې سره نه يوازي ډاکتر ستارګل او د ده کورنۍ ودردېده، بلکې د دنیا په هر ګوټ کې د دوی خواخوږي او د پښتني فرهنګ ټول خدمتګاران، د دوى له دې درد سره وزوریدل. زه خپل ګران دوست ډاکتر صیب ستار ګل پکتیاوال، د دوی دروند پلار جنرال صیب جنت ګل پکتیاوال، انجنیر حبیب ګل پکتیاوال، ډاکتر نذیرګل داور او د دوى له ټولې کورنۍ سره سم، د غم او ویړ پر دې ټغر ناست یم، او د لوى الله (ج) دربار ته لاسونه لپه کوم چې، دوی ته د دغه درانه غم، د زغم وس او زموږ ځوانیمرګ شهید پرویزګل ته جنتونه ورپه برخه کړي. مرگ حق دى زموږ ټولو همدا لاره ده عبدالهادي هادي
|
||||
|
email:
payamewatan@yahoo.com |
||||
